Аилатәараҟны ирылацәажәеит ахәыҷбаҳчақәа рҟны иахьатәи аамҭа ишьақәыргылоу асанитартә нормақәа ирықәшәо аформат ҿыц ала аусура аиҿкааратә зҵаарақәа.

«Ишдыру еиҧш, ахәыҷбаҳчақәа русураҿы зегь реиҳа ихадароу зҵаароуп ааӡамҭацәа ргәабзиара ахьчара ацклаҧшреи, урҭ рааӡареи, ражәаҳәа арҿиареи. Убри инамаданы аметодистцәа ирылдыршеит арҵаратә программа аҧсахрақәа ралагалара. Мчыбжьыктәи русура хыркәшо ирзааҭгылеит аусураҿы ирҧылаз ауадаҩрақәа. Урҭ иреиуоуп рхатәы (аҧсуа) бызшәа адырра ахьысҳара. Апроблема аӡбаразы иахәҭоуп ҳәа иалыркааит аҭаацәа рҭақҧхықәра арӷәӷәара, ахәыҷбаҳчақәа рҿгьы иарбан усмҩаҧгатәзаалакгьы аҧсышәала амҩаҧгара. Ишьақәдырӷәӷәеит ахәыҷбаҳчақәа русура арежим», - ҳәа аанацҳауеит Аҵара Аусбарҭа.

Аҵара Аусбарҭа аиҳабы Асҭанда Ҭаркьыл илҳәеит ахәыҷқәа ган рацәала рааӡаразы ирыгу ахархәагақәеи амаругақәеи рыла ишеиқәыршәахо.