Аушьҭымҭацәа ирыдныҳәаларц ашколқәа рахь имҩахыҵит Аҟәа ақалақь Аҵара Аусбарҭа аусзуҩцәа.

Ари амш аушьҭымҭацәа рзы акрызҵазкуа ныҳәуоп. Аҵаҩцәа ирызгәакьоу рышколқәеи рырҵаҩцәеи ааныжьны ианылоит амҩаду.

«Аҵыхәтәантәи аҵәҵәабжьы» аушьҭымҭацәа рзы ашколқәа рҿы еиҿкааз доусу рхатә знеишьақәа рыман, аҧшӡареи аиҿкаареи рыцын. 

Арҵаҩцәа роушьҭымҭацәа ирзеиӷьаршьеит ақәҿиара дуқәа раҧхьаҟа, агәабзиара, аҭынч ҧсҭазаара!